一坐底望落桌墊右下角印有Mr steak既Logo，就知道牛肉來源唔差，因為Mr Steak專做開Steak House同食和牛，所以就有D信心！
餐廳主打壽喜燒丶涮涮鍋同埋蒸籠。唔洗問呀歸，我就當然點左個壽喜燒食啦，而且因為唔鍾意A5太強烈既脂肪，所以點左A3和牛。
頭盤三小碟，左起分別係南瓜山芋漬丶南瓜豆腐丶醬汁燒東風螺。味道正正常常，冇驚喜冇失望。
A3和牛到！雖然只係A3，但係牛脂既分佈都非常之靚！脂肪同牛肉比例大約都有6:4至7:3，算係岩我口味！
每個套餐除左肉之外，當然要平衡番食菜啦！D菜用黎爽牛油同牛汁之後會好食好多！
先落洋蔥同埋牛脂肪爆一爆，令到香味出黎，之後就落肉啦！
因為要求3成熟，所以每邊肉都係煮左幾秒就食得！
加埋個蛋汁真係爽！牛肉3成熟超嫩滑，唔會食到好膩既牛油口感。配上蛋漿，又香又軟又軟，的確幾好食！
D菜吸哂D牛肉汁同油，都係好食到不得了！
食到最後，當然要整番個烏冬增加番D飽肚感啦！
到最後，加埋個北海道牛乳布丁，呢餐牛宴就完左啦！
老老實實，味道係幾好食既，但係一位要成600蚊鬆D，價錢定位的確有D貴！
