南記粉麵 (荃灣千色匯I)

营业中

休息中

經過見好耐冇食就入去食下，乜而家一個普通春卷牛肉米線都成差唔多$50，都幾貴。荃灣呢間裝修幾舒適，坐位寛敞，光線充足，對比有其他分店感覺上舒服好多野食方面，叫咗兩個單點餐（熱奶茶要加$17），所以埋單一個都成$60左右，價錢都mark得幾進取。叫咗個魚肉春卷牛肉酸辣米線，好大碗，配料都非常充足，酸菜夠酸，米線係比較煙韌、硬身，對比其他米線鋪（例如譚仔），如果中意食硬身麵線就會好中意。酸度方面適中，辣就唔太辣，個人建議可以辣啲。最好食係春卷，南記春卷真係好好食，大條夾抵食，肉就普通。整體黎講算好食，但就冇咁抵。