滿地餐廳 (已結業)

🐮鐵板扒：美國安格斯封門柳※3成熟※($86)呢個鐵板扒餐包括頭盤、主菜、配菜同飲品。頭盤揀左黑松茸鮮菌沙律🥗份量極多，塞到成個碗滿曬😂面頭既菇厚身得嚟爽口，沙律醬有少少黑松露味，都幾好食之後就輪到主菜既封門柳🥩份量有3大舊，下面墊左一大堆雜菜，整體份量多到係1塊鐵板擺左130%既食物係上面咁。封門柳肉質幾淋幾易咬，但冇乜牛肉味，同埋塊鐵板好唔夠熱，保溫力亦不足，好快已經冇左滋滋聲，所以最厚個舊肉入面完全係生咁濟🥶，如果接受唔到食太生既肉建議要點7成熟以上較穩陣。配菜就揀左熊本咖哩飯🍛又係好大份🤣食落就係常見既日式咖哩味，不過啲飯煮得幾好唔會太爛，所以都算ok👌🏻飲品就+$6要左朱古力雪山🍫賣相的確係igable，但係味道就極度強差人意😵嚟到個陣仲係上冷下熱，因為朱古力粉未溶曬亦唔夠濃既關係，朱古力味係極淡，飲落係朱古力味既水咁，好努力飲唔想浪費但因為飲極都係唔好味，飲剩1/3個陣忍唔住扔左😕整體嚟講佢地既鐵板餐係好抵食，一個餐有4樣野，而且每樣份量都好大，就算幾肚餓都可以食到110%飽，可惜味道極其量只可以算ok，環境同衛生情況都普通，亦唔係幾好坐，地下仲好黐笠笠，所以未必會再嚟了🤦