影片
更多
2022-07-14
25 浏览
又嚟觀塘搵食！之前 bookmark 左呢間 IG 打卡熱點「Be Leaf」，一直都好想試下，今日終於約到朋友一齊嚟食晏。餐廳裝潢好搶眼，離遠已經見到門口嘅夢幻花拱門，而旁邊則設有半露天座位，佈置以籐和竹為概念，清爽涼快，充滿夏日氣息。沿石春路往內進，設計果然令人眼前一亮，裝修走峇里島度假風，巨型鳥巢吊椅，配以天花垂吊嘅乾花束和室內嘅綠色植物，環境優雅，讓人有種遠離煩囂之感。泰式豬頸肉菠蘿竹炭漢堡配炸薯條 ($102) 豬頸肉煎至微焦，食落肉質爽彈，外脆內 Juicy，而且份量亦相當慷慨，足足有成 4 片，配上烤菠蘿同蕃茄等，充滿熱帶風情。竹炭包烘得好鬆脆，入口甜甜地，帶芝麻香味。香煎紅魚柳蕃茄莎莎蒟蒻麵 ($118)，魚柳十分香滑，魚身豐腴，輕煎後魚味突出，肉質柔嫩鮮美，配上鮮茄醬，味道酸酸甜甜，好醒胃。蒟蒻麵厚身帶嚼勁，口感Q 彈，完全不輸一般麵條，撈埋啲蕃茄莎莎一齊食，清新不膩。楊枝甘露梳乎厘班戟 ($128) 班戟一共有兩層，面頭淋滿了椰漿，頂頭再綴以柚子肉、西米和芒果粒，賣相好吸引。Pancake 鬆軟輕盈，口感唔會過於紮實，綿滑又富彈性，椰漿嘅濃香同班戟嘅蛋香味配合
又嚟觀塘搵食！之前 bookmark 左呢間 IG 打卡熱點「Be Leaf」，一直都好想試下，今日終於約到朋友一齊嚟食晏。
餐廳裝潢好搶眼，離遠已經見到門口嘅夢幻花拱門，而旁邊則設有半露天座位，佈置以籐和竹為概念，清爽涼快，充滿夏日氣息。
沿石春路往內進，設計果然令人眼前一亮，裝修走峇里島度假風，巨型鳥巢吊椅，配以天花垂吊嘅乾花束和室內嘅綠色植物，環境優雅，讓人有種遠離煩囂之感。
泰式豬頸肉菠蘿竹炭漢堡配炸薯條 ($102) 豬頸肉煎至微焦，食落肉質爽彈，外脆內 Juicy，而且份量亦相當慷慨，足足有成 4 片，配上烤菠蘿同蕃茄等，充滿熱帶風情。竹炭包烘得好鬆脆，入口甜甜地，帶芝麻香味。
香煎紅魚柳蕃茄莎莎蒟蒻麵 ($118)，魚柳十分香滑，魚身豐腴，輕煎後魚味突出，肉質柔嫩鮮美，配上鮮茄醬，味道酸酸甜甜，好醒胃。蒟蒻麵厚身帶嚼勁，口感Q 彈，完全不輸一般麵條，撈埋啲蕃茄莎莎一齊食，清新不膩。
楊枝甘露梳乎厘班戟 ($128) 班戟一共有兩層，面頭淋滿了椰漿，頂頭再綴以柚子肉、西米和芒果粒，賣相好吸引。Pancake 鬆軟輕盈，口感唔會過於紮實，綿滑又富彈性，椰漿嘅濃香同班戟嘅蛋香味配合得天衣無縫，絕對值得一試！
至於跟餐飲品就點左 Grapefruit Summer (+$23) 同 黑糖焙茶鮮奶 (+$24)。Grapefruit Summer 賣相好靚，入口冰涼又清爽，柚子香氣突出，加上色澤鮮豔，令人賞心悅目。焙茶鮮奶據說味道亦唔錯，味甘溫潤，帶獨特焙茶香氣，而且飲落唔會好甜好漏。😋😋
张贴
