影片
更多
2017-07-31
377 浏览
三個女仔約出嚟旺角睇戲，預先一日已買好飛。睇戲前大家約埋一齊食個午餐先，未諗到食乜，所以周圍去搵食，點知經過雅蘭中心發現大家都鍾意嘅品牌Final Sale，即刻衝入去揀揀揀，揀左好耐，太忘我! 排隊俾完錢，突然醒覺其實我哋仲未食午餐，但仲有40分鐘就開場。見到一樓角落開左間「辦館」，即刻入左嚟食。呢度有九款全日供應套餐全日套餐 - 蛋糕套餐$58配熱茶或蒸餾咖啡，今日蛋糕有﹕朱古力慕絲蛋糕、藍莓慕絲蛋糕、柚子芝士蛋糕，朋友A點左朱古力慕絲蛋糕配熱茶，三分鐘內已經可以攞到個套餐，快到呢! 朱古力慕絲蛋糕幾鬆軟，層次分明，慕絲軟滑，面頭仲有幾多朱古力粉，朋友話幾好食。12點至兩點半時段有午市套餐供應，我地點餐時係兩點三，仲有午餐供應。朋友B揀左辦館蕃茄湯通套餐＄48，配火腿或午餐肉，佢揀咗火腿。蕃茄湯有好多蕃茄蓉，仲有薯仔粒、西芹粒、紅蘿蔔粒，感覺健康有益。朋友最初一望擔心個會太杰，因為似蕃茄蓉多過湯底，但食落蕃茄味濃，幾開胃。通粉細細粒，幾有口感。火腿絲上面就灑咗少少香蔥碎去提味。本身套餐配凍或熱蜂蜜紅茶，加＄15可以轉精品咖啡或特飲，朋友揀左鮮奶抹茶。朋友話稍嫌細杯咗，味道同甜度適中
呢度有九款全日供應套餐
全日套餐 - 蛋糕套餐$58配熱茶或蒸餾咖啡，今日蛋糕有﹕朱古力慕絲蛋糕、藍莓慕絲蛋糕、柚子芝士蛋糕，朋友A點左朱古力慕絲蛋糕配熱茶，三分鐘內已經可以攞到個套餐，快到呢!
朱古力慕絲蛋糕幾鬆軟，層次分明，慕絲軟滑，面頭仲有幾多朱古力粉，朋友話幾好食。
12點至兩點半時段有午市套餐供應，我地點餐時係兩點三，仲有午餐供應。
朋友B揀左辦館蕃茄湯通套餐＄48，配火腿或午餐肉，佢揀咗火腿。
蕃茄湯有好多蕃茄蓉，仲有薯仔粒、西芹粒、紅蘿蔔粒，感覺健康有益。朋友最初一望擔心個會太杰，因為似蕃茄蓉多過湯底，但食落蕃茄味濃，幾開胃。通粉細細粒，幾有口感。火腿絲上面就灑咗少少香蔥碎去提味。
本身套餐配凍或熱蜂蜜紅茶，加＄15可以轉精品咖啡或特飲，朋友揀左鮮奶抹茶。朋友話稍嫌細杯咗，味道同甜度適中。
我自己就揀左沙嗲安格斯牛肉撈丁套餐＄58，沙嗲醬汁味道幾濃，伴有青瓜。份量比較細。
中間溫泉蛋做到流心效果，蛋汁香滑，用嚟撈麵食一流。安格斯牛肉係粒狀而唔係一片片，軟腍但牛味唔太突出。
另加＄15飲榛子鮮奶咖啡，原來係紙杯上，唔係用瓦杯。開蓋後拉花圖案仲清晰可見! 因為用咗榛子糖漿，唔駛額外加糖都夠甜，味道唔錯。
堂食每人最低消費一杯飲品，如果叫套餐就已經連飲品。如果唔食野單點杯飲品都可以嚟坐吓﹕
臨走時見店員已預先掛左個下午茶餐牌出嚟，3:30-6:00pm供應，蛋糕套餐連飲品只係$30，平左成半喎。原本蛋糕套餐連飲品要$58架喎! 店面長吧枱只有八個位置，好在入面仲有張大枱。
大概可以坐到十人。
呢度比較適合快食人仕，我哋都好快食完，可以趕去睇戲~
张贴
