35座車仔麵 (已結業)

自從35座喺九龍灣得寶店結業後就冇再食過車仔麵，呢日見到朋友嘅share post知道佢已經喺觀塘捲土重來，就立即決定午餐要去會一會。工廈位置唔算喺深深處，都容易搵到，入到去餐廳發現地方相當闊落，而且仲售賣冷凍食品同少少零食嘅位置。豬紅同豬大腸係我食親車仔麵必叫的，$40一份三餸車仔麵餐，咁就揀多款佢打左星嘅甜酸齋啦，因為食車仔麵已經好邪惡嘅關係就加$8轉飲冷泡茶。車仔麵味道方面唔會好似平時食車仔麵咁一入口就覺得超咸，呢樣係我最喜歡的。