程班長台灣美食 (已結業)

疫情期間去唔到旅行唯有搵吓地方食台灣美食。今次去咗久仰大名隱身於荔枝角一棟工業大廈內嘅「程班長」幫襯下-紅燒半筋半肉麵-麵身加了酸菜和蔥花，先呷一口湯，以過百斤牛骨所熬製的湯底很惹味，也帶點藥材香，有著點點微辣及帶點嗆喉，愈食愈刺激；麵條用上了寬麵，煮得彈牙有嚼勁；牛腩煮得夠腍，食落鬆化，牛味濃郁，完全沒半點韌的情況出現;牛筋煮得軟腍，入味已經足夠，整體呢碗麵真的很不錯。-蚵仔煎-煎得有點焦脆，蚵仔份量十足，肥美大隻，而且台灣女朋友都話有台灣嘅味道，可想而知幾咁正宗。-蔥油餅加蛋-酥皮餅皮類似手抓餅一樣鬆脆，厚實當中帶點煙韌，中間夾著煎蛋、芝士🤔，蛋香特別出眾，而且醬汁食落就像北京填鴨的味道，還不賴。但係記得要熱食，否則外皮會變硬。整體來說程班長充滿台灣風味外，性價比也相對吸引，一般喺其他餐廳或連鎖的過江龍台式店舖的牛肉麵都接近$100，而呢度只需$55，所以真係食得飯兜再食㗎！難怪長期喺香港都keep住幾有名氣既台灣料理店