影片
更多
2019-02-27
139 浏览
記得以前好痛苦咁返觀塘返工，每日最期待就係放飯或者放工約朋友去食好嘢；觀塘有一間西餐一直都令我印象難忘，除咗性價比高，佢嘅甜品更加係非常出色！而呢間餐廳近日就喺紅磡一間酒店開咗分店，跟住假期我同咗男朋友過嚟試， 因為佢經常聽我講話好食，令到佢食指大動🙈相比觀塘，紅磡呢一間moreish & malt位喺酒店裏面，感覺格外高級，更加浪漫；員工大部分都係以英文為母語，整體感覺彷如置身中環高級餐廳， 當然佢嘅菜式價格依然係非常親民，但係質素絕對唔馬虎。. Tomato frocaccia 麵包係入咗時呈上，微暖，香口👍.Salmon Kale Salad &$118平時食開嘅前菜沙律都係以一堆菜奉上，如果個沙律有啲肉，最多只會喺裏面有一兩粒，而呢個沙律除咗普通嘅沙律菜，仲加入咗羽衣甘藍；三文魚唔係原條放，佢分散係每一個角落，份量唔少，沙律醬個醬汁微酸，感覺令人開胃；平時食羽衣甘藍會驚有草青味，而呢度就做到可以清爽之餘容易入口👍. Snacks Platter $168小食拼盤有三款食物，每款有兩件，啱曬啲唔大食又想試多啲唔同種類嘅客人；有水牛雞翼，魚子醬配法包同埋炸魷魚圈。水牛雞翼香濃微辣，
相比觀塘，紅磡呢一間moreish & malt位喺酒店裏面，感覺格外高級，更加浪漫；
員工大部分都係以英文為母語，整體感覺彷如置身中環高級餐廳， 當然佢嘅菜式價格依然係非常親民，但係質素絕對唔馬虎。
. Tomato frocaccia
麵包係入咗時呈上，微暖，香口👍.
Salmon Kale Salad &$118
平時食開嘅前菜沙律都係以一堆菜奉上，如果個沙律有啲肉，最多只會喺裏面有一兩粒，而呢個沙律除咗普通嘅沙律菜，仲加入咗羽衣甘藍；三文魚唔係原條放，佢分散係每一個角落，份量唔少，沙律醬個醬汁微酸，感覺令人開胃；平時食羽衣甘藍會驚有草青味，而呢度就做到可以清爽之餘容易入口👍.
Snacks Platter $168
小食拼盤有三款食物，每款有兩件，啱曬啲唔大食又想試多啲唔同種類嘅客人；有水牛雞翼，魚子醬配法包同埋炸魷魚圈。水牛雞翼香濃微辣，經過油炸但係雞翼肉質唔會dry，配埋佢嘅酸酸哋嘅酸忌廉，叫多幾份都食得曬🤤.
Ox tail Ragu with Shell Pasta $128
第一次真正食到貝殼粉係能夠充分吸收意粉醬，呢個牛尾配蜆殼粉，牛尾入口即溶，相當軟腍，醬汁唔會太多，唔似浸過意粉，亦都唔會太少汁，好似乾拌意粉。 如此花心機嘅菜式都只不過係128蚊，值得推介😍.
Tofu cheese cake $68
店員強烈推介我哋食埋豆腐芝士蛋糕，其實我哋已經有八成飽，好彩蛋糕唔係好大件，豆腐味超濃。加入咗豆腐嘅芝士蛋糕比一般嘅芝士蛋糕更加香滑，但係豆腐唔會搶咗忌廉芝士本身嘅味道，兩者取得平衡，配上一啲生果做裝飾，別有一番清新感。.
美食配美酒或者飲品係一個不變嘅定律，難得環境舒適，心情放鬆，我同男朋友每人點咗一款嘢飲，Stella$60同strawberry and Mango$30，談談心，好耐都冇試過嗰一個咁舒服嘅夜晚❤️
张贴
