逸豪軒

营业中

休息中

✨同朋友去佐荃薈樓上一間酒樓食晚飯！門口有好大魚缸,海鮮好生猛！酒樓環境空間夠寬敞坐得好鬆動,完全唔會逼狹！叫佐海鮮二人餐！✨果皮蒸南非鮮包魚夠哂彈牙有嚼勁！果皮香更提升鮑魚鮮味！✨燒鵝拼叉燒有水準，燒鵝皮油脂香郁唔會膩；半肥瘦蜜汁叉燒帶焦邊，咬落焦香感食落充滿油香！✨上湯焗波士頓龍蝦伊麵一上枱香到忍唔住，龍蝦肉厚身彈牙，拆開殼啖啖肉，伊麵吸晒濃郁的上湯，真係停唔到口！✨古法蒸龍躉斑件魚肉質嫩滑夠新鮮, 古法係用豬肉絲,冬菇絲,大頭菜, 薑絲等配料拌勻放在魚面上蒸,味道鹹鹹鮮鮮,好惹味！撈飯一流！✨薑汁炒菜心菜炒得鮮嫩,薑汁配搭啱啱好！✨甜品桂花椰汁糕清清地，椰香濃郁夾住淡淡桂花香，解膩又爽口！滿足！