漁不老烤魚雞煲火鍋 (三陂坊) (已結業)

約左幾個識左好耐但甚少見面既朋友聚舊，其中有人話想食烤魚，朋友就推介黎三坡坊呢間烤魚雞煲 - 漁不老。星期六晚7點半左右時段，可能時間尚早，並未見有太多食客。店內鋪面地方不算大，只有數張枱。到8點半左右便全部坐滿，所以唔想等位就要早少少入座。打開餐牌就會發現，雖然餐廳叫漁不老，但除左烤魚，仲有麻辣雞鍋以及其他不同既特色湯底。因為我地今次專程黎食烤魚，所以我地就點左酸菜味龍躉烤魚，因為驚會太辣未必三個人都接受到，我地只係要左小辣。食完烤魚先再食其他火鍋配料。龍躉肉超級滑，再配上酸菜，超惹味。好快我地3人就食晒條龍躉，我地就再點左牛小排，蟹籽墨魚滑，鮮淮山，娃娃菜。牛肉同酸辣真係唔係好夾，所以唔太受歡迎🤣反而原本冇乜味既墨魚滑，娃娃菜同淮山就好入味，好好味。最後我仲點左紅薯粉，紅薯粉吸收左成煲既精華，真係超好味。絕對地係大滿足既一餐😋