影片
更多
2019-05-04
140 浏览
今日同好朋友去將軍澳醫院探病，探完病之後，好朋友帶咗我哋去後面嘅 坑口村食好西。 一直以嚟都以為村屋係好偏僻。但原來村屋都可以有好好食好高檔嘅餐廳。我哋先叫咗啲送酒嘅菜， 朋友話 雞泡魚乾係啤酒嘅伴侶而我就叫多咗一樣燒牛舌。雞泡魚乾：第一次食雞泡魚乾，食落口，佢個質感有少少似燒魷魚，但就厚身D，同埋質感軟少少。 因為係魚乾，味道相對比較濃烈，送啤酒真係好快就清曬成碟。燒牛舌：個牛舌燒得幾好，唔會太乾，保持到D肉汁， 再加上D燒烤粉，幾野味。蟹膏海膽丼：大份量既蟹膏加埋海膽撈埋一齊，已經好鮮甜美味。仲要再加埋少量嘅魚仔同埋紫菜撈埋啲飯度，真係一流。金露帆立貝燒：要睇清楚,佢係金露唔係甘露。佢個金係真係指金。 有金箔舖喺帶子上面，而帶子下面又鋪咗豆腐乾，擺設精緻，味覺層次豐富。阿根廷珍寶赤蝦：個隻蝦好鮮甜，而且肉質唔會淋。D蝦都幾大件，蝦膏亦都好多，好好食。甲囉燒：見個菜名都唔知係咩嚟，所以叫咗黎試下。 點知係咁正自精緻既一道菜。 喺蟹殼上面有蟹膏同埋鵪鶉蛋。鵪鶉蛋撈埋啲蟹膏之後將飯撈埋落去蟹殼上面， 每粒飯都充滿咗蟹膏嘅蟹香，再加埋鵪鶉蛋嘅蛋香好好食。燒茄子：茄子燒得適中， 茄子外皮燒得
我哋先叫咗啲送酒嘅菜， 朋友話 雞泡魚乾係啤酒嘅伴侶而我就叫多咗一樣燒牛舌。
雞泡魚乾：
第一次食雞泡魚乾，食落口，佢個質感有少少似燒魷魚，但就厚身D，同埋質感軟少少。 因為係魚乾，味道相對比較濃烈，送啤酒真係好快就清曬成碟。
燒牛舌：
個牛舌燒得幾好，唔會太乾，保持到D肉汁， 再加上D燒烤粉，幾野味。
蟹膏海膽丼：
大份量既蟹膏加埋海膽撈埋一齊，已經好鮮甜美味。仲要再加埋少量嘅魚仔同埋紫菜撈埋啲飯度，真係一流。
金露帆立貝燒：
要睇清楚,佢係金露唔係甘露。佢個金係真係指金。 有金箔舖喺帶子上面，而帶子下面又鋪咗豆腐乾，擺設精緻，味覺層次豐富。
阿根廷珍寶赤蝦：
個隻蝦好鮮甜，而且肉質唔會淋。D蝦都幾大件，蝦膏亦都好多，好好食。
甲囉燒：
見個菜名都唔知係咩嚟，所以叫咗黎試下。 點知係咁正自精緻既一道菜。 喺蟹殼上面有蟹膏同埋鵪鶉蛋。鵪鶉蛋撈埋啲蟹膏之後將飯撈埋落去蟹殼上面， 每粒飯都充滿咗蟹膏嘅蟹香，再加埋鵪鶉蛋嘅蛋香好好食。
燒茄子：
茄子燒得適中， 茄子外皮燒得夠乾身，但又保持到其肉質既嫩滑。茄肉吸收咗上面啲肉碎嘅汁好香滑。
张贴
