掌壽司 (已結業)

雖然佢係工廈入面，不過佢都好方便，地鐵一出就係。反而佢係工廈鋪，地方闊落D，坐得舒服好多，更岩一班朋友黎傾計。牛油果醬魚生沙律牛油果醬同魚生真係清新既絕配，食完一Ｄ負擔都無，而且仲好ＦＲＥＳＨ 好開胃，係好好味既前菜。廣島蠔刺身呢個刺身好驚喜，因為隻蠔好鮮甜，好重蠔味，我同朋友都好鐘意~帆立貝刺身帆立貝刺身好大隻好厚，ＳＩＺＥ上已經有驚喜，食落仲要十分鮮甜。其他刺身包括油甘魚同埋活赤貝都一樣好新鮮，活赤貝仲要好爽口。軍艦叫左幾個軍艦，最好食一定係海膽，因為食落去不單止好CＲＥＡＭＹ，佢既份量亦都會即刻全個口即刻感受到海膽既香味。碎蔥吞拿魚卷（４件）吞拿魚雖然碎上，但係份量都絕不欺人，同香蔥亦十分夾。飯出面有芝麻，令口感更加豐富！燒鳥盛估唔到串燒一樣好食。佢味粉唔係好多，調味岩岩好之餘，又唔會好似出面咁掩蓋食材本身既味道。我最鐘意燒雞片，燒曬D油份，之後就好香脆好香口。澳洲和牛烏冬澳洲和牛燒過之後，油脂好香濃，而且都好滑。油份同湯底融合之後，每啖烏冬都食到令人滿足既油香味。