今次就叫咗個魚生飯，好大方咁俾咗好多魚生，有吞拿魚、三文魚、蟹柳同甜蛋等等，蓋滿晒整個壽司飯，新鮮嘅魚生配上微酸嘅壽司飯，簡直一絕！😍😍
仲叫咗一個燒鯖魚，呢度嘅燒物要九點後先有得供應，今次就點左個燒鯖魚，都有啲驚喜㗎！首先喺呢度特別之處就係燒鯖魚冇配一舊檸檬，食得出佢係喺鯖魚醬料度加咗檸檬汁，咁樣就唔使將檸檬汁直接係鯖魚上面，會整淋晒啲魚🤣
今次就點左鰻魚壽司同甜蛋壽司，相較其他菜色而言，壽司表現普普通通。
我覺得呢度用了豐富，海鮮都新鮮，整體都唔錯。最重要佢係屬於香港人嘅小店，一定要支持💛💛❣️
