AGE Cuisine Express (已搬遷)

聽聞工廈是臥虎藏龍的地方，今次去到隱藏係鰂魚涌工廈既意大利餐廳，係門口見到有個牌寫住廚師推介，我地簡左其中兩樣試下，果然真的無令人失望。


海膽香煎帶子海鮮汁意大利粉伴香蔥蛋醬
帶子有三大粒，煎至剛剛熟，保持肉質鮮甜嫩滑，每粒帶子上面都放有海膽，海膽味道好濃郁，增加不少鮮味，
香蒽蛋醬味道非常濃郁，意粉亦好掛汁。


慢煮半生MG和牛西冷配黑醋蜜糖芥未醬
呢道菜擺盤色彩鮮艷，睇得出廚師有花過心思，和牛西冷煮到半熟，肉身呈粉紅色，牛味都算濃郁，入口軟嫩。


流漿芝士牛肉, 火腿漢堡伴法炸薯條
漢堡味道適中，一切開芝士就流矖漿，還有拉絲效果，牛肉幾有牛肉味，但略嫌煮得熟左少少，巴馬火腿提升左味道層次，薯條炸得好脆，控制火喉剛好。