喜聚燒 (已結業)

今日去開尖沙咀行街，去咗寶勒巷食串燒，都唔錯喎！呢度除咗串燒仲有鑊仔雞，仲要係用烏雞，感覺幾養生！我哋order鑊仔麻辣雞，個汁香濃惹味，真係唔算好辣，好味！我哋食咗燒蟶子皇，食材新鮮，加咗啲蒜蓉一齊燒，味道好鮮甜😋我哋仲嗌左好幾款串燒，燒玉子、芝士響鈴、燒茄子、霜降和牛、流心鵪鶉蛋、燒芝士三層肉等等。燒玉子好味呀，甜甜的，加啲孜然粉就更加好味！芝士響鈴一定要試，估唔到串燒響鈴都幾好味～佢呢度嘅孜然粉味道好香，我哋差唔多全部串燒都有加，加咗好味好多😂佢呢度串燒好多款，下次再嚟試吓其他嘢！