影片
更多
2017-02-12
71 浏览
招牌龍蝦早餐 $158·晏就2點半，行下行下銅鑼灣，食lunch太遲，食tea無訂台😅，可以食咩🤔？係time square 轉呀轉，忽然發現一座毫不起眼既大廈內隱藏住一間咖啡室！？好奇心之下同朋友上去睇睇·🏠小桃咖啡室感覺悠閒，除咗播放抒情音樂之外，仔細發覺仲有多款遊戲提供比客人玩耍🎲，但咖啡室亦提供各款含酒精飲品🍹🍻，簡直滿足不同種類/時段嘅客人·其實去cafe去得太密，真係食黎食去都係個幾樣，真係選擇困難🙄🤔⋯好彩小桃咖啡室推出咗招牌龍蝦早餐 Lobster All Day Breakfast，原諒蘋果乾我大鄉里😂 all day breakfast 我就成日食，但 lobster all day breakdast 我就真係未試過，唔駛諗咁多啦，一於點佢！·Well Well 我認，見到個龍蝦早餐時真係心入面嘩咗一聲😂 🙈，一睇個碟就知好足料啦！波士頓龍蝦半隻：唔好以為會好細隻，但其實一撩就成條龍蝦肉出咗黎，食落唔會雪藏味，而且啖落啖啖肉，唔乾，食落多汁（龍蝦汁啦😂）🍳🍄炒雜菌奄列：🍄蘑菇切到細細片，一啲都無偷工減料，撈埋啲蛋🍳到一齊食，食到蛋嘅同時都一定食到蘑菇，蛋都算幼滑，
·
晏就2點半，行下行下銅鑼灣，食lunch太遲，食tea無訂台😅，可以食咩🤔？係time square 轉呀轉，忽然發現一座毫不起眼既大廈內隱藏住一間咖啡室！？好奇心之下同朋友上去睇睇
·
🏠小桃咖啡室感覺悠閒，除咗播放抒情音樂之外，仔細發覺仲有多款遊戲提供比客人玩耍🎲，但咖啡室亦提供各款含酒精飲品🍹🍻，簡直滿足不同種類/時段嘅客人
·
其實去cafe去得太密，真係食黎食去都係個幾樣，真係選擇困難🙄🤔⋯好彩小桃咖啡室推出咗招牌龍蝦早餐 Lobster All Day Breakfast，原諒蘋果乾我大鄉里😂 all day breakfast 我就成日食，但 lobster all day breakdast 我就真係未試過，唔駛諗咁多啦，一於點佢！
·Well Well 我認，見到個龍蝦早餐時真係心入面嘩咗一聲😂 🙈，一睇個碟就知好足料啦！
波士頓龍蝦半隻：唔好以為會好細隻，但其實一撩就成條龍蝦肉出咗黎，食落唔會雪藏味，而且啖落啖啖肉，唔乾，食落多汁（龍蝦汁啦😂）
🍳🍄炒雜菌奄列：🍄蘑菇切到細細片，一啲都無偷工減料，撈埋啲蛋🍳到一齊食，食到蛋嘅同時都一定食到蘑菇，蛋都算幼滑，食落好充實👍🏻
香脆煙肉：唔好以為漏比你，其實就係蛋同龍蝦嘅中間😏煙肉真係好香脆，食落一啲都唔油膩，但又同唔會好到好似餅乾咁一咬就脆👍🏻（我好驚啲油浸煙肉或者啲過老嘅煙肉，食落好似煙肉威化餅咁😅）
腸仔：你以爲好似普通腸仔？少年，你真係太年輕啦！餐廳係有落啲心思，有無食過廚師牌香腸？依到嘅腸仔就好似廚師牌出品嘅腸仔咁，出面層「依」包住入面啲肉，一咬落去真係好彈，食落又肉味濃郁，而且佢仲係珍寶size嘅廚師牌腸仔
🧀🍞火腿芝士燕包：平時食all day breakfast 都係配麵包/多士，但圓碌碌嘅燕包？仲要大大塊芝士同火腿夾係中間，仲要係2個！
仲有，套餐仲有車厘茄沙律，茄汁焗豆🍅，粟米粒🌽，食咗咁多肉balance 下之餘，一個套餐咁多野，真係「All Day」 Breakfast 啦！成日飽到唔駛食其他野😂
·💫 其實小桃咖啡室拉開個「露台」就可以望到「時代廣場」，坐係室內，涼風吹過時又真係好愜意，真係置身優閒空間，眺望繁華時代；而且咖啡店營業時間值至深夜🕚-🕐，可以同朋友點杯野飲🍸🍷 chill下傾下計，何嘗唔係另一個選擇
张贴
