軟橋米苔目餐廳 (已搬遷) 新店位置

深水埗區好多橫街小巷，美食亦有好多，林林總總包括各國美食，咁岩買完野經過呢間食台灣食品推介食米苔目，又唔係貴，好奇心軀使下就試下啦，原本果樣有d似狗仔粉，細細條 淋淋地，湯底都有多款選擇，我就特色d擇左冬蔭功湯底，配豬潤雲吞，湯底唔算辣，但好夠味，豬潤亦夠爽口，不會老晒，雲吞係菜肉雲吞，自家制的細細粒，沒有太多肥豬肉，岩晒我最怕肥膩野，再叫左個小食花鵰醉香豬雙脆，原來係豬脷加豬耳，小小酒香，勝在夠爽口彈牙，送啤酒就更加一流。這家小店值得下次再黎食埋其他野，價錢夠晒大眾化。