影片
更多
2020-01-02
36 浏览
九龍城就出名多好嘢食，之但係除咗最出名嘅泰國菜之外，有啲小店都好值得大家去發掘下！今次就黎到呢間「禮」食吓串燒！唔好俾頭頂個招牌呃到，大招牌其實係寫住日文羅馬拼音嘅「燒鳥」同「清酒」，真正個招牌係喺舖頭左手邊！呢度都係行類似日式風格或者類似居酒屋，幾舒服。咁喺正式上菜前有送一個前菜小食，係螺肉黎，爽口彈牙，幾好食！先黎雞泡魚乾，香口，但乾左少少；金菇牛肉卷好味！個汁非常好食，牛肉都好好口感！蟹肉薯餅炸到卜卜脆，入口又唔會覺得油膩！燒菠蘿，好食就係好好食，但係太少喇！唔夠喉！芫荽雞肉棒配個蛋黃醬油幾特別，香氣四溢；鹿兒島一口牛入口即化！富士蘋果煙肉卷就咸甜中間攞個平衡，感覺新鮮，好食！清酒煮蜆酒味較重，如果唔算好酒精嘅朋友就可能會食唔慣，但我個人係好ok的～
九龍城就出名多好嘢食，之但係除咗最出名嘅泰國菜之外，有啲小店都好值得大家去發掘下！今次就黎到呢間「禮」食吓串燒！
唔好俾頭頂個招牌呃到，大招牌其實係寫住日文羅馬拼音嘅「燒鳥」同「清酒」，真正個招牌係喺舖頭左手邊！
呢度都係行類似日式風格或者類似居酒屋，幾舒服。咁喺正式上菜前有送一個前菜小食，係螺肉黎，爽口彈牙，幾好食！
先黎雞泡魚乾，香口，但乾左少少；
金菇牛肉卷好味！個汁非常好食，牛肉都好好口感！
蟹肉薯餅炸到卜卜脆，入口又唔會覺得油膩！
燒菠蘿，好食就係好好食，但係太少喇！唔夠喉！
芫荽雞肉棒配個蛋黃醬油幾特別，香氣四溢；鹿兒島一口牛入口即化！富士蘋果煙肉卷就咸甜中間攞個平衡，感覺新鮮，好食！
清酒煮蜆酒味較重，如果唔算好酒精嘅朋友就可能會食唔慣，但我個人係好ok的～
张贴
