影片
更多
2016-12-10
152 浏览
睇電視見霆鋒煮野食好叻, 但香港仲未有佢既食店, 不過霆鋒本人無姐, 原來佢助手己經開左一間餐廳叫16 SHELL, 有部份食譜仲係由霆鋒親自設計添, 所以即管同老公HAPPY FRIDAY來試下。餐廳位於炮台山地點有少少隱蔽, 但第一次找到後其實好容易去到, 餐廳環境以黑色型格為主, 餐牌價錢屬於中價, 主菜百幾蚊一度菜, 價錢合理。 好鐘意餐廳以蒜頭做LOGO~我本身好鐘意蒜頭味, 而呢間餐廳本身D黑蒜面包己經非常出名, 難得去到梗係要聽下廚師推介啦~ 廚師介紹我一款特別D, 就係呢個竹炭薄餅啦!! PIZZA底做到好香脆, 入面再加左D SALAMI腸, 咸香味十足, 再配埋三色椒絲同芝士的確好惹味。 再來白酒煮蜆(我的最愛), 蜆SIZE剛剛好, 一啖一口, 完全無沙, 配埋白酒汁真係好開胃。 大大粒帶子配橄欖牛油炒意粉, 全碟有成5大粒帶子, 意粉硬度剛剛好, 最怕食到D好淋既意粉, 就算用牛油炒亦都無好肥膩既感覺。 帶子全部超肥超厚肉, 食落好鮮甜, 咬落口感好滿足。 另一主菜叫左無骨雞脾配雜菜, 我覺得呢碟好有少少橋底辣蟹類似既做法, 但用落雞脾上感覺好特別, 少少辣但蒜
睇電視見霆鋒煮野食好叻, 但香港仲未有佢既食店, 不過霆鋒本人無姐, 原來佢助手己經開左一間餐廳叫16 SHELL, 有部份食譜仲係由霆鋒親自設計添, 所以即管同老公HAPPY FRIDAY來試下。餐廳位於炮台山地點有少少隱蔽, 但第一次找到後其實好容易去到, 餐廳環境以黑色型格為主, 餐牌價錢屬於中價, 主菜百幾蚊一度菜, 價錢合理。
好鐘意餐廳以蒜頭做LOGO~我本身好鐘意蒜頭味, 而呢間餐廳本身D黑蒜面包己經非常出名, 難得去到梗係要聽下廚師推介啦~ 廚師介紹我一款特別D, 就係呢個竹炭薄餅啦!!
PIZZA底做到好香脆, 入面再加左D SALAMI腸, 咸香味十足, 再配埋三色椒絲同芝士的確好惹味。
再來白酒煮蜆(我的最愛), 蜆SIZE剛剛好, 一啖一口, 完全無沙, 配埋白酒汁真係好開胃。
大大粒帶子配橄欖牛油炒意粉, 全碟有成5大粒帶子, 意粉硬度剛剛好, 最怕食到D好淋既意粉, 就算用牛油炒亦都無好肥膩既感覺。
帶子全部超肥超厚肉, 食落好鮮甜, 咬落口感好滿足。
另一主菜叫左無骨雞脾配雜菜, 我覺得呢碟好有少少橋底辣蟹類似既做法, 但用落雞脾上感覺好特別, 少少辣但蒜蓉令到成個菜色好香, 加上雞脾全去骨, 食落啖啖肉, 好味!
每餐習慣左有飯後甜品, 呢杯乳酪配以新鮮藍莓,士多啤梨配埋果醬, 酸酸甜甜感覺好健康
講明霆鋒助手開的餐廳, 又點會無同霆鋒的合照呢, 除左霆鋒仲有好多明星幫襯, 所以話係呢度食飯分分鐘幾個明星坐你隔離, 嘻!!雖則話呢度係明星小店, 唔多唔少都有D明星效應, 但食物質素要好先可以留住客人, 當日眼見7.30PM開始己經差不多滿座, 所以如果要去食就記得要訂枱啦!!
张贴
