NOC Coffee Co. (利園三期)

营业中

休息中

最近開始要清假🗓，所以今日就放一日假。今日天氣麻麻☔️，住港島嘅我冇選擇之下就喺銅鑼灣行街消磨時間⏰。有朋友同我講 Lee Garden app最近有個coffee pass 嘅優惠，用$99就可以試晒成個利園區入面9間咖啡店☕️，除開都係$11一杯。而9間咖啡店包括幾間比較出名嘅例如Ninety’s 同Cova，嗰啲出名嘅咖啡店通常一杯咖啡都講緊$45一杯，所以可以話飲第三杯已經回咗本💵。今次去嘅咖啡店係coffee pass 9間入面嘅其中一間，佢位置係Lee Garden 3 嘅外圍，離銅鑼灣旺嘅區域比較遠，所以如果冇呢個coffee pass🎫，其實我係唔會專登走過去試。估唔到嘅係試過之後發現到呢間咖啡店都算幾高質😋。首先，環境上絕對一流，因為真係唔係咁多人，可以喺繁囂嘅銅鑼灣中搵到一個舒適而又安靜嘅咖啡店，係一種享受😎。嘢飲方面，我哋叫咗Flat White同Ice Matcha，咖啡味夠香😋，Matcha 味亦都夠濃🍵，非常推薦大家一試。總結來講，用咗coffee pass 去試咁高質嘅咖啡☕️，真係非常之值😋。