Daily 13 (已結業)

再訪呢間環境舒服嘅cafe，黎慶祝母親節。今次叫左黑蒜油意大利飯配煎北海道刺身帶子$138 同蟹肉蟹子明太子點意粉$128。其中一個餐+$48 upgrade做set包一個櫻花蝦濃湯同加$15就有杯特飲阿媽鍾意清爽飲料， 叫左杯青檸檸檬梳打。我就叫左杯Americano。驚唔夠食額外叫咗個蒜蓉牛油走煮蜆$88。講左嘅蜆先， 唔算大粒但係數量多，用個韓式石頭鍋裝住上。 好香牛油同蒜蓉味，加埋香草幾野味。兩個主食阿媽鍾意意大利飯多d, 因為冇咁多忌廉，佢覺得健康d同冇咁膩。 個人就認為義大利飯嘅帶子好食，生熟拿捏得剛剛好。飯粒分明，有小小拉絲效果，同好香黑蒜味。但係我就鍾意意粉多d。蟹子鋪滿每條意粉，醬汁唔重明太子味但係配埋紫菜整體好香同有唔同口感。 而且都有唔少蟹肉，成個麵好邪惡同好滿足。見到佢有多款甜品，但係個晚食得太飽就冇叫到。