Song Cuisine d'Indochine (已結業)

同朋友仔食飯, 可能KC提過話係條小巷到入, 所以特別留意, 好快就搵到!成8點都只得一檯客, 餐\廳幾蚊型, 位幾逼; 環境格調唔多似食越南, 好彩食具係囉! 青木瓜沙律都話明係我至愛之一, 今次又點會唔叫呢? 呢個有蝦仲有楊桃, 唔辣, 清甜但好平凡. 再一個炸軟殼蟹Rice Paper Rolls, 炸軟殼蟹好得, 但朋友嫌菜苦口; 跟住上係鮮菇炒檬粉, 好淡味, 鮮菇亦無果種香味, 唔掂! 仲有兩碟肉類, 一個係燒雞塊, 另一個係炒牛柳, 燒雞塊有好大陣炭味, 食落幾苦, 唔接受的話唔好叫; 反而個炒牛柳做得幾好, 牛柳舊舊大件, 好嫩好有肉汁, 難得唔炒到全熟, 吃時點附上蒜汁, 好fresh! 食物水準比預期差, 食完之後無咩香料味留低, 感覺同其他地方食好唔同!再夜, 人客愈愈多, 但幾乎清一色係鬼! 再講服務, 好一般, 侍仔可以話係無咩笑容, 只係交功\課咁.註: 呢度話晚飯7點後先開始營業喎!