皇軒私房菜 (裝修中)

識飲識食嘅朋友帶我嚟到呢一間隱秘嘅樓上私房菜，如果唔係朋友帶我嚟，我絕對唔識黎呢頭搵食。咁辛苦先嚟到，果然驚喜十足！蟲草花赤肉雞蟲菌湯，超級清甜，一點油都手，而且夠晒熱！材料十足！勁豐富！飲完個人好舒服。脆皮妙齢乳鴿。皮脆肉嫩！外面皮好薄好脆，肉質又滑又多汁。同平時嘅真係唔同！肉一點都不少，好好吃 ！比目魚超鮮甜，炸得好香脆又一點都不膩，醬汁同葱令魚變得更惹味！如果可以少d骨就仲正！海參杞子浸時蔬好清新，海參吸入濃湯嘅鮮味！頗爽口，呢個配搭幾特別。最後呢一個薑汁豆腐花超級考刀功。豆味濃郁，又香又滑，薑汁不會太甜太辣！好正！