魔膳工房 (已易手) 新餐厅

人地成日都講觀塘多野食架，好多好嘅店舖都好似要找錯處咁圈佢岀黎先有人知。今次就去左工業大廈度搵餐廳食晚飯。其實街邊都放Banner做下宣傳咁，行多幾轉發現有西餐廳開係工廈二樓。行上去裝潢不錯，好多木製枱櫈，燈光稍暗有氣氛，而且仲有播放搞笑片段，等朋友時可以解悶！今次揀左set dinner，本人多數會揀雜菜湯即紅湯，貪在煲時間稍長，肉味菜味岀晒黎，夠惹味！麵包夠軟唔會硬到好似放左好耐咁。主菜叫左Risotto 同徳國豬手！Risotto crean味夠濃但不太過份，帶子夠嫩冇過熟，好食。而豬手夠肥美，肉味夠，但不太油膩，配合附上嘅醬汁食幾夾，薯條夠脆！整體上滿意，估唔到工廈都有間有質素嘅西餐廳！！