派格餐廳 (已搬遷) 新店位置

同朋友講講下話想食徳國野dinner, 係旺角唔算多，好在朋友有聽過有間Bigpack嘅都係食徳國野，又係附近就上左去食。餐廳佈置簡單有格調，多木製和鐵製家俱，牆上掛滿Bigpack牌子袋，還有登山相片名信片等，有心思。食德國菜必會叫啤酒，其中較熟悉嘅Erdinger , 本身想飲Dark Beer但賣晒。今次點左House Salad & 德國腸拼盤 & 燒春雞。沙律除左沙律醬，仲有醋醬汁，好夾又開胃喎！腸拼全部都好味道，猶以有煙醺味芝士腸最啱我！另外原隻燒雞肉質嫩而不乾，有水準，配料薯仔沙律都額外開胃好食！好評。唯一不足之處係收得早，夜晚十一點關舖。想去食嘅朋友要注意！