俺之沾麵專門店 (已結業)

【環境】企喺出邊其實見唔到招牌，唔熟路嘅話maybe會比較難搵。店面唔大，三張台加埋最多坐12個人，所以位置會有小小窄。店內唔會好吵雜，衛生亦都做得唔錯，唔會俾人邋遢嘅感覺。【出品】點咗個黑蒜油拉麵，麵質軟硬適中，因為麵條做得粗身，所以食起身特別有滿足感；黑蒜油嘅麵湯加湯入邊d料（梅肉、筍、蔥），真系好香，但系食埋之後覺得唔夠，於是就要咗加多咗一份麵，咁先夠飽（個人食量較大，份量唔作為參考），食完之後感覺呢間店可以同廣州好hit嘅「博多一幸舍」有得一比，出品d味道系真系正。【服務】老闆娘嘅服務態度俾到我一種翻到屋企食麵嘅感覺咯，講嘢都非常之親切兼且有耐心，系熟客仲會打多聲招呼添～【總結】喺香港嚟講，一個人食拉麵食到hkd120唔知道算唔算貴，就個人而言我系願意洗120蚊換一餐咁滿意嘅餐飲體驗，俾個like，做個回頭客。