影片
更多
2018-02-21
415 浏览
2017年既最後一日，無論呢一年過得好定係唔係，都總希望為自己劃上一個最完美既句號。本身有planning想去日本倒數，但奈何自己太懶，遲遲未有下定主意去買機票訂酒店，到立定主意既時候大部份酒店都已經fully book，或者要加很大既premium，最後決定留港消費，對自己好一點，吃好一點。千揀萬選，最後決定佐食呢間朋友介紹既隱世日本餐廳。說它是隱世，絕對夠哂貼切，因為餐廳並非位於大街鬧市，反而選址一條燈光比較間既內街，serve 既客人也應該是以熟客為主。餐廳內的裝潢也很低調，讓我有「劉備三顧草蘆」個「草蘆」之感，令人覺得格外受到重視。餐牌夠簡潔直接，售賣既只有獨沽一味 - omakase，就是由廚師發辦，揀選最靚最正既食材俾客人食。除了晚餐，原來這裡的午餐價錢也十分平民，最平既親子丼，$120已經有交易。用膳之前先來一杯抺茶係最 standard 既，而呢一杯抺茶既standard就絕對夠高，抺茶好濃好香，感覺就是在宇治市用$80-$100才能享受到一杯的質素，令我忍唔住都多喝了數杯。料理全程由日本師傅主理，師傅會說少少少少，好少既廣東話，而且講完會臉紅，好好笑。先付首先來到既有
本身有planning想去日本倒數，但奈何自己太懶，遲遲未有下定主意去買機票訂酒店，到立定主意既時候大部份酒店都已經fully book，或者要加很大既premium，最後決定留港消費，對自己好一點，吃好一點。
千揀萬選，最後決定佐食呢間朋友介紹既隱世日本餐廳。
說它是隱世，絕對夠哂貼切，因為餐廳並非位於大街鬧市，反而選址一條燈光比較間既內街，serve 既客人也應該是以熟客為主。
餐廳內的裝潢也很低調，讓我有「劉備三顧草蘆」個「草蘆」之感，令人覺得格外受到重視。
餐牌夠簡潔直接，售賣既只有獨沽一味 - omakase，就是由廚師發辦，揀選最靚最正既食材俾客人食。
除了晚餐，原來這裡的午餐價錢也十分平民，最平既親子丼，$120已經有交易。
用膳之前先來一杯抺茶係最 standard 既，而呢一杯抺茶既standard就絕對夠高，抺茶好濃好香，感覺就是在宇治市用$80-$100才能享受到一杯的質素，令我忍唔住都多喝了數杯。
料理全程由日本師傅主理，師傅會說少少少少，好少既廣東話，而且講完會臉紅，好好笑。
先付
首先來到既有日本蘿蔔 （蕪），日本海參，粒貝，同埋海參。
海參帶酸，最後先食。
刺身
刺身既賣相夠哂吸引，因為七彩繽紛，看見也讓人愉快。
刺身有6款，包括牡丹蝦、蛋黃醬赤貝裙邊、拖羅、赤身、日本石班 、同埋鰤魚。
其中比較特別既係蛋黃醬赤貝裙邊，蛋黃醬用上日本鮮蛋去製作，所以食落蛋味特別香特別濃，而日本石班又名「九繪」，佢被礐為「夢幻之魚」，因為入貨好貴既緣故，所以在香港真係比較難食到，佢就配上莓醬 ，酸酸地特別開胃。
燒之物
用上燒BB喜之次，喜之次我之前都有食過，佢既肉質嫩滑度，真係令人一試難忘，而廚師把成絛魚都燒得焦香，基本上連骨都帶有魚既鮮甜味，好正。
一品料理
一品料理有石班魚鮫 + 蕪 ，蕪 係蘿蔔口感，而石班魚鮫既肉就比較挺身，用汁煮比較甜。
吃完一品料理後，廚師為我們預備漬物，我便知道要準備迎接壽司了。
海𩶘壽司
配上白板昆布，廚師亦都已經為我們調味加上芥末無需再添加任何醬料，已經好夠味，食落去好爽甜，魚味唔算特別突出，但係就夠哂新鮮。
竹簽魚
竹簽魚平時比較少食到，上面曬有烏魚子，食落軟綿綿，口感鮮甜。
剝皮魚 連魚肝
剝皮魚有食過，但係加入剝皮魚既魚肝呢個idea就真係第一次試到，佢令到食個口感更有層次，帶點鮮甜味。
而廚師另外加上茗荷碎，食落魚肉比較挺身彈牙。
三文魚子壽司
師傅先用火爐將紫菜燒脆，呢個做法在現今真係比較難見到，也令我們對餐廳的好感更加深。
廚師再放上自己醃制既三文魚子，食落比平時食既三文魚子咸少少，但魚油香更濃。
左口魚壽司
廚師曬上柚子胡椒，食落酸酸地更能帶出壽司的鮮味，魚肉很挺身，食落多汁鮮甜。
吞拿魚蓉壽司
吞拿魚蓉 加上香蔥，煙燻蘿蔔和芝麻，煙燻蘿蔔食落有d似中式既菜圃，爽爽地口感一流。
拖羅壽司
十分肥美既拖羅，入口即溶，不帶一絲既魚根，魚油極多，食落滿足感爆燈。
北海道海膽壽司
最後一件既壽司，亦都係最期待既海膽壽司，食落真係超級鮮甜，凍凍地既質感，十分飽滿既海膽放入口中，幸福度滿分。
吃完壽司後，看見廚師有一個擺設，原來呢個係佢地既tradition，當時間過了12:00，踏入新既一年，佢地就會進行儀式，夠哂傳統。
長壽麵
係除夕夜獨家才有既，因為呢個係日本既傳統，食完長壽麵，寓意事事都順順利利，所以一定要食到乾乾淨淨，一條都唔淨。
湯物
食完麵後，店員再為我們拿到一碗暖湯，在這個天氣喝一碗暖湯，格外感受到那一份溫暖。
梅酒啫喱
最後既甜品係梅酒啫喱，佢地用既梅酒夠哂濃，啫喱在口中慢慢溶化，感覺就真係在喝一杯梅酒一樣，讓人帶一點醉意，準備迎接新一年。
吃完這頓晚餐後，我也急不及待要趕去迎接倒數了，豪無疑問。
這間餐廳的性價比真係好高，這個食物質素和體驗即使索價$2000，也絕對合理，我絕對會把它推介給朋友，也大家也能來體驗日式的omakase款待。
张贴
