築地日本料理 (結志街) (已結業)

今日要黎中環做嘢，收工都肚餓啦，禁下電話睇下附近有咩好嘢食，見到呢間居酒屋係附近就去食，發現原來佢性價比超高。成間餐廳都貼滿了海報，好有特色，打卡一流。汁燒大葱雞肉 $46雞肉多汁嫩滑，平時我唔食大葱，估唔到食左一件咁好味，好香好甜，醬汁惹味。鹽燒三文魚鰭 $50燒得好香脆，三文魚油脂豐富。鰻魚飯卷 $82有心思，中開有牛油果，口感creamy，鰻魚香甜可口，加上有蟹籽增加口感，一啖食入口好正。日式煎餃子 $50餃子外脆內軟，隻隻餃子非常飽滿，沾上醬汁酸酸甜甜咁幾開胃。日式冷烏冬 $60烏冬煙韌彈牙，口感滑，湯底好入味，配料加左菠菜，木魚碎，紅蘿蔔。