影片
更多
2019-08-14
50 浏览
隱世高手四個字用黎形容BISTRO LA BON 呢間位於觀塘商廈新開既高級西餐廳絕對貼切好多時候我地去”搵食” 都會選擇係大街大巷既餐廳, 但事實上有好多秘密後花園等待我地發掘. BISTRO LA BON 就係其中一個. 佢位於觀塘一間新既商業大樓, 沿觀塘廣場方向直行，大約7至8分鐘行到。餐廳嘅環境相當舒適, 地方好大好乾淨, 樓底高, 座位之間有好多空間, 就算多人都唔會覺得嘈吵感覺.一坐低就被呢幾個好有卓頭既新張優惠吸引: MENU 方面有FOOD MENU 同埋DRINK MENU 。食物種類多而且配撘新鮮，而DRINK MENU 有好多啤酒選擇，亦有原支餐酒，也提供 By Glass。由於其中一個新張優惠每位食滿$300 就可以有一大碗免費刺身送上實在太吸引, 最後我和男朋友都點了SET DINNERSET DINNER MENU 的食物全都是上等, 沙律頭盤有松葉蟹帶子三文魚子. 而主菜方面我地分別點了羊膝及銀鱈魚。首先上場就係刺身一大碗包括三文魚, 池魚及牡丹蝦, 份量比我想像還要豐盛, 最令我念念不忘係兩隻肥美牡丹蝦, 超級鮮甜。而且我喜歡佢地不吝嗇放在刺身旁的配菜
好多時候我地去”搵食” 都會選擇係大街大巷既餐廳, 但事實上有好多秘密後花園等待我地發掘.
BISTRO LA BON 就係其中一個. 佢位於觀塘一間新既商業大樓, 沿觀塘廣場方向直行，大約7至8分鐘行到。
餐廳嘅環境相當舒適, 地方好大好乾淨, 樓底高, 座位之間有好多空間, 就算多人都唔會覺得嘈吵感覺.
一坐低就被呢幾個好有卓頭既新張優惠吸引:
MENU 方面有FOOD MENU 同埋DRINK MENU 。食物種類多而且配撘新鮮，而DRINK MENU 有好多啤酒選擇，亦有原支餐酒，也提供 By Glass。
由於其中一個新張優惠每位食滿$300 就可以有一大碗免費刺身送上實在太吸引, 最後我和男朋友都點了SET DINNER
SET DINNER MENU 的食物全都是上等, 沙律頭盤有松葉蟹帶子三文魚子. 而主菜方面我地分別點了羊膝及銀鱈魚。
首先上場就係刺身一大碗包括三文魚, 池魚及牡丹蝦, 份量比我想像還要豐盛, 最令我念念不忘係兩隻肥美牡丹蝦, 超級鮮甜。而且我喜歡佢地不吝嗇放在刺身旁的配菜沙律菜, 而且沙律菜十分新鮮。
之後就係呢個松葉蟹沙律, 呢個沙律絕不欺場, 松葉蟹肉份量十足,而且配上芝麻醬令松葉蟹既甜味更加突出。
沙律之後先上頭盤帶子。雖然只係一粒帶子, 但已經融化左我既心。除左帶子質地非常有彈性, 以及三文魚子同埋海膽醬配合得天衣無縫外, 我十分欣賞呢碟頭盤既擺碟藝術, 睇得出佢地重視食物既態度。
至於餐湯係磨菇忌廉湯。呢個湯未令我覺得特別深刻, 因為整體欠缺味道。反而我喜歡載湯的那個陶瓷碟, 好有藝術格調。
到主角出場, 就係我地之前點既羊膝及銀鱈魚。兩碟主菜都係色香味俱全。 首先視覺方面睇得出佢地花左心思係擺碟上面, 令到我地品嚐味道之前已經滿足了視覺。至於味道方面, 因為我個人不太好羊, 所以好難作出任何評論。我試左幾口, 發覺佢地用一個好特別既汁好有技巧地減低羊既膻味, 加上肉質好嫩滑, 值得一試。
至於我至愛既銀鱈魚, 實在係我香港食過數一數二既好味。皮脆肉嫩有鮮味, 最令我回味既係佢入口即溶既口感, 配上銀鱈魚汁亦係一個味覺上既享受。
最後甜品分別有咖啡布甸同埋藍莓芝士蛋糕, 賣相雖然未算得上特別, 但味道撘夠, 特別係咖啡布甸, 質地好滑,咖啡味濃, 超讚
後記
一間餐廳要成功地取得客人讚賞在食物質素方面固然重要, 但要真正感動客人內心除左食物之外, 係其他方面既誠意堅持都好重要。 呢樣野係BISTRO LA BON 上真切體會到，以一間剛剛新開一個月既餐廳能做到色香味俱全確實十分難得，希望佢地能夠繼續堅持呢種精神。
张贴
