漁吉海鮮丼專門店 (已搬遷) 新店位置

九龍城隱藏咗一間日本丼飯，地方唔算大，不過環境裝潢得幾有特色。見佢有個期間限定梗係試下佢點限定法，就叫左個黃金伊勢海老丼。一上枱真係比佢個外型嚇親，大大個龍蝦頭，碗飯都好大碗。講返個味道先，龍蝦肉就好扎實，滑蛋加埋黑松露，啖啖味道都好濃郁。呢度有一樣特別就係每枱都放左一壺麵鼓湯任飲，飲前搖一搖就更好味，我都忍唔住飲咗兩碗。朋友就叫左個北海帆立丼，配料唔單止有帆立貝咁簡單，仲有海膽，一大堆魚子，同玉子，真係配料十足。價錢貴少少大大滿足。menu上有講齊有咩料，唔怕唔知自己食咩