鄰居 (已結業)

慶祝新年，午餐想食好啲，搵到呢間係長沙灣嘅漢堡包店，平時經過都好多人， 難得有位，就即刻入去食啦。-鋪頭叫得做neighbor,當然要試吓佢嘅招牌鄰居漢堡$60，加咗$32要熱朱古力同埋雙色薯條。漢堡包好足料，有成塊菠蘿，煙肉，蘑菇， 蕃茄，當然唔少得漢堡扒。好juicy，塊包個面好脆，果然係即叫即整嘅漢堡包。雙色嘅薯條有蕃薯條同埋普通薯條，蕃薯條好吸引，外面比較少見！由於佢即炸嘅關係，熱辣辣好好食。平時食漢堡包都會飲汽水，不過天氣咁凍，我就叫咗熱朱古力，杯熱朱古力好治癒，打卡必備，上面仲有好多棉花糖好靚好有驚喜。再另外叫咗個水牛城雞翼，好辣好過癮朋友就叫咗個肉醬熱狗，都好吸引呀！-$100都唔使就食到咁高質嘅漢堡包，真係可以媲美外面xxroom嗰啲burger。