下江南

营业中

休息中

參觀完M+博物館，就發現左呢間叫下江南餐廳，老公話不如休息吓，食個晚飯。餐廳光猛，裝修簡潔。外面個景都幾好，可惜今日有點大霧。餐牌都好多嘢食，有兩人套餐同一人套餐，就連甜品都有。兩人套餐就比較豐富，驚食唔晒，最後我哋就揀左兩個一人套餐。一人套餐主要係兩款冷菜 + 一款主菜，飲品就另加錢。冷菜：花雕醉雞兩份，酒味濃，多肉。其中如意菜係素菜，有幾款蔬菜，唔辣。另外手拍青瓜伴雲耳就係辣嘅，食落幾開胃。菜肉大雲吞：雲吞有七隻至八隻，大大粒。裡面主要係大白菜，湯底有紫菜同櫻花蝦。清清淡淡食吓雲吞，飲吓湯都幾好。重慶小麵：小麵份量都多，配料有花生、菜脯、肉碎、小豆同辣椒油等。麻油同辣椒油好香，麵條彈牙。初初食嘅時候係小辣，然後會越食越辣，越食越惹味，好好味。飲品：老公叫左酸梅湯，酸酸甜甜又幾夠凍，啱晒今日咁熱天氣。我就叫左個雪榚紅豆冰，奶味重，甜甜地。雖然佢係中式餐廳，但呢杯紅豆冰都沖得幾好飲。