荷華庭園景餐廳 (已結業)

今日同朋友一齊去到大埔行下，再發現到林村附近有一間幾靚既西餐廳，野食仲要幾多選擇，我就懶得去諗，叫左個樣樣都有既二人套餐。先會有沙律🥗，我一直都麻麻地食沙律，平日都係一兩啖，但依個沙律幾好味，啲汁又掛哂係菜上面，所以好滋味👍🏻我朋友都疑惑點解我會食沙律，但真係幾好味😋之後上左酥皮龍蝦湯，佢仲配埋一個蒜蓉包，依個都好正👍🏻好耐無飲有酥皮係面既湯，十分滿意依個湯，夠味，又夠creamy😋另外前菜因為無帆立貝，所以改左大蝦。依個大蝦一啲都係令我地失望。芝士醬好香濃，大蝦又好爽，成件事好夾👍🏻到主菜，我地揀咗一個豚扒、一個肉眼扒，兩份都會有薯客蓉做配菜。豚扒口感幾好，又有汁，唔會好乾身。而肉眼扒都煎得岩岩好，唔會好老、好韌。飲杯我地叫左青檸沙冰、芒果菠蘿沙冰，好大杯，好清新，唔會太甜，好岩依家咁熱既天氣🤤最後我地加左錢將甜品轉左細份既「焗火焰雪山」，好睇又好食，比想像中大個😆整體都好岩同朋友係度聚會，環境好靚，服務都好好👍🏻