Little Tipsy Restaurant & Bar (已結業)

今日收工同朋友上網搵到呢間餐廳好似唔錯，又近近地係觀塘，於是就黎左食飯😎餐廳既裝修簡約而優美，有種隱世小店既feel，幾適合情侶黎撐枱腳😙另外餐廳都有啲圓桌，岩晒三五知己一齊傾計。一入座店員就好熱情咁招呼我地🤣先叫左個北海道帶子配蟹肉，入口creamy得黎唔會好肥膩，作為appetiser就岩晒主菜就叫左個risotto, 飯既軟硬適中，味道都唔錯，配埋海膽夠晒特別。另外都叫左塊medium既肉眼扒，肉質鮮嫩&較鬆軟，值得一試👍🏻Overall黎講都唔錯🤤食完仲專登叫埋甜品嘆下意大利芝士蛋糕，味道香濃👍🏻朱古力心太軟雪糕，一切開就係可遇不可求既流心朱古力😙配埋薄荷雪糕清新既味道中和番就剛剛好。