Four O Five Coffee & Eatery

营业中

休息中

一間低調而隱世Cafe，裝修簡約有格調。服務員態度親切，食物質素亦有驚喜。虎蝦帶子意粉兩隻大大隻嘅虎蝦同兩粒厚肉嘅帶子，份量十足。虎蝦爽口，帶子煎香，保留咗海鮮嘅鮮味。濃厚蕃茄醬汁酸甜平衡，仲有翠玉瓜粒增添清新口感同爽脆感。意粉煮得軟硬適中，掛汁能力強，每啖都好滿足又開胃！黑松露雜菌意大利粉 上枱已經聞到濃郁嘅黑松露香氣，配上忌廉汁creamy得來唔會太膩。菇菌份量多仲有蒜片炒香，口感豐富令味道更有層次。意粉煮得軟硬適中，意粉包裹忌廉汁奶味濃郁香滑，食落好有滿足感！特濃開心果忌廉麻糬梳乎厘作為期間限定甜品，呢款梳乎厘班戟超有驚喜！梳乎厘質地鬆軟綿密，濃濃蛋香，唔會過甜。梳乎厘表面鋪滿開心果忌廉好濃郁，每啖都充滿堅果香，配上煙韌嘅麻糬和脆脆開心果碎，口感層次好豐富。份量都大足夠兩人，食完勁有幸福感！焙茶鮮奶 焙茶鮮奶，焙茶口感濃郁帶有茶香，飲落好順口甜度調得啱啱好。拉花仲幾靚。鮮奶咖啡 Latte順滑，配上厚厚奶泡香滑，甜度適中，鮮奶香甜中和了咖啡的苦澀飲落好順！