幸子茶屋 (已結業)

喺深水埗唔止有好多傳統美食，仲有好多好正嘅新派隱世小店💗依間「幸子茶屋」就係其中之一啦。門面滿有日系感覺，配以小清新佈置，主要供應特色厚吐司和茶飲。小店主要係外賣店，而店裡都有靚靚2人用餐座💗依間係香港首間「鍋煮奶茶專門店」，用4.3特濃鮮牛乳配搭台灣直送茶葉，仲每日新鮮製造奶茶作限量供應，最人氣有👉🏻鍋煮鐵觀音奶茶🫶🏻另外，仲有好多好有特色嘅台式雪沙/果茶。我就特別鍾意芋泥＆芒果，點左下面呢幾款，都好好味🤤🔶芋泥肉鬆麻糬厚多士 $44芋泥+肉鬆+麻糬，真係好滋味嘅配搭👍🏼滑溜香口嘅芋泥多到湧出來，上面鋪滿左充滿鹹香嘅肉鬆💗咬落去仲有半溶牛奶麻糬，煙韌軟滑嘅口感～good! 🔶芒果楊枝甘露雪沙 $36大大杯😃即叫即打，楊枝甘露口味嘅雪沙口感幼細，充滿香甜濃郁嘅芒果香，仲有大小西米和柚子肉，口感豐富。🔶芒椰芋圓甘露 $40見到仲有一系列芋圓甜品，作為芒果控，點咗依個芒椰版，芋圓大大粒煙韌又Q彈，加埋芒果果香和椰汁，仲有清甜多汁嘅柚子紅肉，整體不會太甜，味道好夾。