翅客美食 (已結業)

今日去開佐敦附近做嘢，見到有間食雞為主題嘅餐廳叫【翅客美食】，見個名幾特別就走入去買個外賣。叫咗海南雞飯加1個碗仔翅，其實呢度有各種唔同嘅碗仔翅及車仔麵嘅配搭，亦都有唔同嘅 雞款飯類可選擇。拎咗個外賣返公司食發覺個雞係超級高水準，首先係同你去曬所有骨，而雞件係一d肥肉都冇而且雞皮係超薄，最緊要d雞係超級嫩滑，好有雞嘅鮮味。😋 而佢哋個黃油飯絕不油膩，同埋三款海南雞醬汁分別係薑蔥、甜豉油、同埋酸辣都各有特色及好味。碗仔翅我要咗金牌海皇碗仔翅，上面竟然有乾瑤柱碎而且有蝦，及其他海鮮材料，真係好好味，我有機會定會再黎食。😋