一糖 (屏山)

营业中

休息中

食完正餐，搭西鐵去天水圍食甜品，聽講窩夫好出名～外面嘅裝修好靚，石灰色嘅外牆上有日本塗鴉，可惜係夜晚嚟影唔到靚相😣如果係下午嚟嘅話可以坐外面，曬下太陽😂室內設計則比較簡潔，光線好充足～晚上有啲悶熱，先叫一杯蜂蜜荔枝梳打（＄32）飲店分開冰上，唔怕啲冰融咗無味～梳打好大杯，仲有一杯仔蜂蜜比自己調較甜度😋荔枝味好香，甜得嚟唔覺得有藥水味或者好假👍🏻聽講呢到招牌係生磨芝麻窩夫（＄62）可以自己揀一款雪糕，我地就揀咗Mint Chocolate！唔會太甜，但融得比較快～窩夫上面有三粒大棉花糖係半融狀態，外面燒過少少脆😚份量都幾多，而且窩夫好厚，唔會得個樣，而且入面都好鬆軟😋一咬開就是有好大陣芝麻味！望落都有好多芝麻，夠足料所以味道好濃郁，唔會好似平時啲窩夫咁甜😋外脆內軟，抵試👍🏻蒜香香辣雞翼尖（＄20）份量都幾多，蒜味重，辣味慢慢滲出嚟😛煮得好入味，但就略嫌有啲腍得濟啦。