影片
更多
2023-12-25
101 浏览
朋友食過呢間隱世日式秘魯菜，今次我去到真係大開眼界，門口嘅位置有少少隱蔽，環境比較暗，好有氣氛，座位唔算少，職員都係外國人，所以好有自身外國嘅感覺，店員好熱情咁介紹好多唔同嘅菜式俾我哋去試，係一個好滿意嘅體驗。〈La Causa〉La Causa喺餐廳招牌小食，用上傳統秘魯Causa配上日式材料大蝦天婦羅，變成好有特色嘅fusion頭盤。〈 Ceviche Aromatico 〉鱸魚刺身搭配牛油生菜，炸粟米，番薯粒等，再配上酸甜開胃嘅醬汁同噴上檸檬葉食用香水，更加帶出鱸魚嘅鮮甜，好新鮮好開胃。〈 H&M 2 〉一白一紅既H&M 2係用咗油甘魚同吞拿魚，視覺效果好搶眼。油甘魚肥美，肉質嫩滑。吞拿魚用上赤身部位，油脂較少，魚香味較濃。再噴上樺樹皮可食用香水，風味獨特。〈 Eryngii Maki 〉以醬油烤雞髀菇同牛油果作餡料嘅壽司飯卷，但係係搭配香甜既味噌南瓜蓉，搭配非常新鮮，係另一款特別嘅fusion菜。〈 YAKI NASU〉半燒茄子加入咗panca辣椒醬，茄子上亦有feta cheese、芫荽、粟米等，可以增加幾款口感。而且雖然有好多辣椒醬，但係醬料係偏甜甜地，唔會好辣。〈 GOD
〈La Causa〉
La Causa喺餐廳招牌小食，用上傳統秘魯Causa配上日式材料大蝦天婦羅，變成好有特色嘅fusion頭盤。
〈 Ceviche Aromatico 〉
鱸魚刺身搭配牛油生菜，炸粟米，番薯粒等，再配上酸甜開胃嘅醬汁同噴上檸檬葉食用香水，更加帶出鱸魚嘅鮮甜，好新鮮好開胃。
〈 H&M 2 〉
一白一紅既H&M 2係用咗油甘魚同吞拿魚，視覺效果好搶眼。油甘魚肥美，肉質嫩滑。吞拿魚用上赤身部位，油脂較少，魚香味較濃。再噴上樺樹皮可食用香水，風味獨特。
〈 Eryngii Maki 〉
以醬油烤雞髀菇同牛油果作餡料嘅壽司飯卷，但係係搭配香甜既味噌南瓜蓉，搭配非常新鮮，係另一款特別嘅fusion菜。
〈 YAKI NASU〉
半燒茄子加入咗panca辣椒醬，茄子上亦有feta cheese、芫荽、粟米等，可以增加幾款口感。而且雖然有好多辣椒醬，但係醬料係偏甜甜地，唔會好辣。
〈 GOD PACKAGE 〉
以荷葉包裏住烤焗過既鱈魚扒，肉質非常鮮嫩軟滑，質感不錯。醬汁係鷹嘴豆蓉同醃洋蔥，同魚味味道十分夾。
〈 PICANHA "MIS TRES"〉
牛冧扒串燒肉質軟淋，牛香味好重。醬料用上烤粟米蓉，伴碟亦有柚子醋枝豆，增加口感。
〈 KUSHIYAKI 〉
燒翠玉瓜同茄子既串燒，但係店員會幫你拆走竹籤之後會撈伴車厘子蓉同茄汁，令醬汁融入晒所有蔬菜入邊，味道濃郁。
〈 MY BANANA 〉
甜品焦糖燒香蕉配上好特別嘅玉桂味雪糕，可以話係香蕉船同Apple crumble既混合，焗蘋果粒份量好多。
〈 Smoking Gun 〉
係以氈酒浸泡紅茶，再加入朱古力苦酒，酒味較濃啱晒好酒人士，而且杯酒以木盒盛載，儀式感十足。
张贴
