億燊食店 (已結業)

聽講左好耐下系鴨俐洲有個阿叔d煲仔飯好鬼正由舊年等到今年一聽到黃婉曼報天氣講會好凍就算落毛毛雨都去幫襯下仲要一定開張台係出面貪佢夠冷有feel嘛叫左個煲仔飯個名水蛇春咁長全名係「北菇田雞併滑雞潤腸飯」又走埋去八卦下問下阿叔點整原來佢以前係金龍船做過花左十幾廿年不停改良煲仔飯用泰國香米仲要一定係舊米佢用ge係高湯唔用水又不停轉動個煲令到佢受火均勻最後就係落雞油旦係唔係落係d飯面而係響個煲蓋面淋落去等佢滲落d飯度咁樣就無咁肥膩咁話當成煲搞掂送過黎之後我落d豉油再焗多佢一陣收乾下飯水一掀開真係好鬼香飯面舖左芫茜,菜芯同埋薑絲跟手撈埋一齊食落口真係一粒粒又有高湯味又帶d雞油香田雞醃過而d雞就好滑潤腸就夠晒肥食完d焦就緊係至精采啦細過就會由阿媽斟d茶落去而我就刮起佢再加埋d例湯落去一齊歎濃濃d焦味真係好鬼正加埋晒都係四十幾蚊邊d係最好最正ge煲仔飯我就唔識分啦旦係幾十蚊雞又好似好有獨門方法ge煲仔飯就覺得幾抵囉