老爹漢堡 (已結業)

行經深水埗見到呢間漢堡包新開張，抱住一試嘅心態，估唔到竟然有驚喜！叫咗個「孜然羊咩堡」餐 ，包老爹匪翼同杯冬瓜檸茶。老細好好人，送左炸燒賣我食，燒賣炸到啱啱好，外脆內軟！匪翼都好野味，鬆脆外層包住鮮嫩雞肉，雞翼控不能錯過！杯冬瓜檸茶都好特別，酸中帶點冬瓜嘅清新，好 match，用來解膩一流！最後講主菜：「孜然羊咩堡」羊肉好厚足料，咬開非常juicy爆汁，羊肉完全唔騷，孜然味同羊肉好夾，野味得來又無蓋過羊肉味。另外個包都處理得好好，有烤焗過再加牛油，就咁食個包都正！總括來講好有水準，深水埗難得有咁高汁嘅 burger！下次要再去試佢個和牛堡！