海悠

营业中

休息中

之前到會試過幾次，一直未有時間嚟佢地鋪頭。難得母親大人得閒 特登過嚟觀塘~ 位置唔算難搵，基本上一樓就係得佢地鋪😄好彩一早叫老闆留咗隻雞，七點半落單，宜家見到app話售罄。雞肉好滑，連雞胸肉都好淋，冇雞腥味。皮脆肉嫩~瀨尿蝦手臂咁大隻，椒鹽炒本來以為好難入味，點知，finger licking good！真係好新鮮！四個人點四隻，好後悔唔點多d！！！一開始點咗蟹肉伊麵，點知冇曬蟹肉，唯有轉蝦球。有驚喜！蝦球好爽脆，蝦線都冇，好細心啊！個汁如果可以再「傑」少少就好啦！最後上湯菜心清清地收尾，全部菜心苗，一d渣都冇！清碟~！一定會再幫襯！