泰星匯泰國菜

营业中

休息中

聖誕新年期間太多好戲上演, 商場睇完戲都特別多人食飯, 突然醒起呢邊有間泰國野, 之前食過唔錯.佢呢度既沙冰係好多人飲, 不過今日沙冰機壞左, 所以叫左另一款試下.椰汁涼粉冰都好大杯, 椰汁唔會好甜, 清新既感覺, 仲有幾多一塊塊既涼粉, 夠晒口感.想食少少蔬菜, 所以要個豬頸肉炒芥蘭, 豬頸肉唔會好乾, 夠軟腍. 份量都唔少, 芥蘭唔苦夠爽口.仲有要左個泰式芒果絲脆炸鱸魚, 呢款之前食過好味, 份量又足.面頭既芒果絲係凍凍地, 所以入口有D似食緊沙律, 好醒胃.下面既炸鱸魚已經拆骨起肉, 每舊都炸得好香口, 外脆內嫩.