Bibo (已結業)

有日經過上環，偶然發現呢間隱世法國菜小店，於是決定搵晚試下！因為book左檯，所以唔使等！沿著梯級下行，一路欣賞油畫同擺設，先唔理ｄ野好唔好食，淨係環境都值回票價！因為果幾日佢都做緊set dinner，所以坐低等佢逐碟遞上黎，侍應好有禮貌咁逐樣菜式介紹，雖然Ｄ英文我聽得半懂不懂，不過殷勤服務就一定感受到！食物方面充滿法國情懷，雖然份量少（呢個都係法國菜特色），但佈置好考功夫，食落都係一流品味！總括黎講係無得彈既一餐！