BARBE Bar & Grill (已結業)

上個禮拜約咗幾個朋友一齊去咗食串燒，佢哋帶咗我去尖沙咀樓上嘅鋪頭食串燒。估唔到尖沙咀有間咁大間嘅串燒店，仲有天台添，可以燒嘢食，地方夠大，最啱一大班人可以開party仲有兩間唔同嘅大房，仲可以一班朋友唱K添我哋叫咗四串唔同嘅丸，包括蟹子丸、貢丸、龍蝦丸同芝心丸，燒得好香。除咗丸之外，我哋仲叫咗好多唔同嘅串燒，好似有雞肉丸串、雞皮、五花豚肉同金菇卷等等...我最鍾意就係個燒雞皮，燒得好甘香好脆。呢個係燒豬鞍扒，燒得啱啱好，而且夠晒軟熟，肉質仲好結實，冇咩肥肉咁仲有個秘製醬汁，係沙嗲醬嚟嘅，味道有好香嘅花生味