有囍 (已結業)

同朋友行完街經過有囍東南亞餐廳，門口貼滿明星合照相，再上網睇下評語，望落價錢唔貴，食物質素高，最後決定入黎用餐。先叫個柚子沙律開開胃先， 柚子沙律份量十足，柚子鮮甜不覺苦，配上酸酸甜甜嘅醬汁同香口既乾蔥，開胃之餘仲香口惹味。泰式辣肉碎炒飯，炒飯很香，飯粒乾身有嚼口，配上辣肉碎，味道鹹中帶辣，好夠鑊氣👍🏻馬拉盞通菜通菜新鮮，口感爽脆，唔伯太油膩又唔會太咸，味道剛剛好，仲要落左唔小大大條既蝦乾一齊炒，味道很香。麥皮蝦見好多人都推介，所以我哋就叫左啦。店家用咗虎蝦，所以大大隻啖啖肉，肉質彈牙，麥皮炸得香脆， 虎蝦味甜香口，果然無介紹錯，真係必食呀👍🏻泰式燒春雞泰式燒雞半只，上枱時已經嗅到好香的燒烤味，雞皮帶少少焦，食落好香脆，而雞肉好嫩滑，外脆內嫩，加埋泰式醬食，味道一流。食完正餐點小得甜品，叫左個椰皇燕窩一個 ，燕窩勁足料，椰香味濃，唔算太甜，滋潤抵食。