活一鮮 (已結業)

朋友介紹話有間平靚正嘅日本嘢性價比好高，所以我就帶mama嚟食呢間北角小店活一鮮， 佢都真係幾隱世， 不過食好嘢永遠都要畀啲心機， 為咗食好西係值得嘅!首推呢個特上活一鮮丼，百零蚊有蝦有魚有海膽都不特止，仲有飛魚子蟹膏同帶子， 重點係佢激新鮮， 望住師傅喺個壽司吧遞出嚟，都真係幾有日本feel另外佢個帶子海膽蟹棒捲都幾正， 本身一上枱以為咁孤寒得一粒飛魚子， 點知一啖擺落口飛魚子嘅鹹味又真係啱啱好冇多冇少， 面頭粒帶子仲大過舊卷物， 蟹棒比例有大過舊飯，又真係幾抵食佢個厚燒玉子同紫心香芋丸都唔錯，價值合理，玉子有d蔥味唔會太過份甜，香芋丸 炸嘢嚟講唔算油膩，口感幾得意整體嚟講呢間隱世小店真係幾唔錯，價錢公道又高質， 荷包唔傷又可以氹到mama開開心心，讚!