火狐爐端燒 (已結業)

星期五晚需要輕鬆一下，係荃灣四陂坊附近發現呢間小店，地方唔大，但枱與枱之間唔會逼，同朋友飲酒傾下計就最適合不過。餐廳有好多款清酒選擇，我地叫左一枝獺祭，幾款串燒，食物質素非常不錯。忌廉薯餅即叫即炸，熱辣辣，好好食。燒雞軟骨同燒牛舌雞軟骨燒得剛剛好，調味亦非常不錯，有水準。牛舌好juicy，唔會好似出面咁燒到乾爭爭，送酒一流。芝士燒蠔芝士燒蠔好正，蠔好新鮮，芝士份量十足。豬大腸山葵燒第一次食呢個配搭，估唔到又幾夾喎，豬大腸脆脆地，好味道。燒雞皮燒雞皮好難燒得好食，呢度整得算唔錯。燒牛仔骨份量超多，以為係一串，原來有成碟，燒得剛剛好，肉嫩牛味濃。煎餃子🥟煎得夠乾身，不錯👍🏻。蟹膏海鮮炒飯最後叫左個炒飯，有驚喜，蟹膏味好濃郁，飯炒得好好，不知不覺食左勁多。