漁吉海鮮丼專門店 (已結業)

最近有朋友推薦呢間 「漁吉海鮮丼專門店」，作為係觀塘區經常出沒嘅我，一定會去試下！觀塘區工廠大廈總會令人有驚喜，上班一族又多一個地方可以選擇喇！而今次呢間「漁吉海鮮丼專門店」就係毅力工業中心8樓E室，餐廳充滿和風木裝潢，感覺舒適溫暖，有堂食亦有提供外賣自取！今次外賣返去食，都一樣可以保持新鮮！豪快海鮮丼呢個丼飯份量十足，係一個比較多種類刺身嘅丼飯，包括有三文魚、油甘魚、帆立貝、吞拿魚、甜蝦、三文魚籽，可以一次過滿足自己個胃！魚刺身厚切上， 特別係三文魚刺身，肉質鮮甜肥美又有口感，食得津津有味。