影片
更多
2012-05-30
17 浏览
每個月都會梗有一兩餐同男友食得貴dd, 呢個月男友揀左呢間嚮k11既銀座梅林, 聽個名都覺得佢好隱世o個d feel, 點知原來真係好隱…因為去之前無睇到店舖位, 結果去到商場搵左起碼10分鐘, 嚮個商場度兜幾次圈, 又上又落再問完客戶服務員先知原來係嚮 對面條扶手電梯直上就係, 笨左. Book左位, 佢都安排左卡位俾我地, 夠哂闊落呢. 入到去睇完餐單, 其實真係唔平, 一般定食都百二三蚊起, 但一心黎到梗係試下出名既黑豚肉, 所以我地一個嗌左吉列豬扒轉黑豚肉($168), 一個嗌吉列鰻魚($148). 嚮等食期間, 就無聊咁影下相啦, 呢度氣氛都幾好, 可能一來難搵..二來價格問題, 所以我地去到時入率應該三成都無, 見openrice 既食評提過有限時, 如果無限既話呢度不失為一個傾計好地方呢.無幾耐野食就黎到勒, 餐檯旁有3支調味汁, 芝麻沙律汁同芥末沙津汁我都有落落去定食既椰菜絲度, 梅林扒汁就梗係落嚮我塊吉列豬扒上啦. 吉列豬扒定食(轉黑豚): 唔唔..吉列個皮炸得幾脆, 而且唔厚粉, 個豬扒男友話好似鬆軟過平時o個d, 不過我又唔係太覺, 但係味道唔差既. 吉列鰻魚定
入到去睇完餐單, 其實真係唔平, 一般定食都百二三蚊起, 但一心黎到梗係試下出名既黑豚肉, 所以我地一個嗌左吉列豬扒轉黑豚肉($168), 一個嗌吉列鰻魚($148). 嚮等食期間, 就無聊咁影下相啦, 呢度氣氛都幾好, 可能一來難搵..二來價格問題, 所以我地去到時入率應該三成都無, 見openrice 既食評提過有限時, 如果無限既話呢度不失為一個傾計好地方呢.
無幾耐野食就黎到勒, 餐檯旁有3支調味汁, 芝麻沙律汁同芥末沙津汁我都有落落去定食既椰菜絲度, 梅林扒汁就梗係落嚮我塊吉列豬扒上啦.
吉列豬扒定食(轉黑豚): 唔唔..吉列個皮炸得幾脆, 而且唔厚粉, 個豬扒男友話好似鬆軟過平時o個d, 不過我又唔係太覺, 但係味道唔差既.
吉列鰻魚定食: 好特別, 平時食鰻魚都係淋淋既口感, 加埋吉列又另一種感覺, 而且佢個鰻魚汁幾好, 唔會太濃味, 唔錯.
食到大半有人走黎問我地駛唔駛加椰菜絲(順帶一提, 嗌定食既話白飯同椰菜絲係任食), 我兩個都加左, 因為d椰菜絲加埋d沙律汁好醒胃呢. 原以為一人一個餐都未必夠, 原來食落都幾飽肚, 最後我仲食剩飯添, 哈哈.张贴
